Upalungaarsimaneq sakkortusineqarpoq

juulip 02-at 2007 05:21

Tuluit Nunaanni Londomini Glasgow-imilu ippassigamikkunni peqqarniisaariaraluarnerit iluatsinngitsoortut kingunerisaannik sumi tamani annilaanganeq atugaalerpoq, peqqarniisaarnianit eqqorniarneqarsinnaaneq peqqutigalugu.

Nunarsuarmi mittarfeqarfiit annerit ilaanni New Yorkimi John F. Kennedy-p mittarfiani aamma Londonimi Heathrow-imi – inunnik ullup unnuallu ingerlanerinnaani aniatitsillunilu assersuisoqarpoq.

Poortukkat pasinarsinnaasutut isikkullit ernumatitsinerupput. New Yorkimi poortugaq tipigissaammik imalik sillimmartaarfigineqaleraluarpoq, Heathrow-imili poortugaq nalornisitsisoq sumik imaqarnersoq tusarliunneqanngilaq.

Tuluit Nunaanni sakkortunerpaamik sillimaniartoqarpoq, nunat allat soorlu Danmark aamma USA sillimatitsinerminnik sakkortusititsissanerlutik maanna isumaliutigaat.