Unnuk kulturisiorfimmut piareerpit

Illoqarfiit unnuk kulturisiorfimmi aqagu arfininngornermi peqataaniartut tassaapput: Ittoqqortoormiut,Narsaq, Qaqortoq, Paamiut, Sisimiut, Qasigiannguit, Attu, Qeqertarsuaq, Upernavik, Aasiaat, Ilulissat, Maniitsoq, Kangerlussuaq, Qaarsut, Ukkusissat aamma Uummannaq.

Unnuk kulturisiorfimmi peqataasartut amerlassusaat ukiut kingulliit aalaakkaapput.

- Nuannaarutigaarput Tunu unnuk kulturisiorfimmi aamma peqataasalermat. Ajoraluartumik Qaanaarmiut suli peqataanikuunngillat, unnuk kulturisiorfimmi ataqatigiissaarisoq Elisa Jeremiassen KNR-imut oqarpoq.

Unnuk kulturisiorfimmi illoqarfinni assigiinngitsuni peqataasut Nunatta Atuagaateqarfianut pilersaarutiminnik nassiussisarput. Tamatuma kingorna pilersaarutit nittartakkamut www.kulturnat.gl-mut ikkunneqartarput.

- Kommunerujussuit tamarmik maanna peqataapput taamaakkaluartorli illoqarfiit arlallit amigaataapput. Unnuk kulturisiorfiup annertussusaa ukiut kingulliit arlallit aalaakkaasimavoq, Elisa Jeremiassen oqarpoq.

- Oqaatigiuminaappoq illoqarfinni assigiinngitsuni qanoq takusaasoqartigisarnersoq. Kisianni Nuuk assersuutigigutsigu isumaqarput ulloq taannaasoq ukiup kaajallanneranni angallaffiunerpaajusartoq, Elisa Jeremiassen oqarpoq.

Nittartagaq www.kulturnat.gl iserfigalugu illit illoqarfinni pisussat alakkartersinnaavatit.