Unnuk Kulturisiorfik januaarip suliffeqarfippassuarnit malunnartinneqassaaq. Asseq: Kulturnat 2017

Unnuk Kulturisiorfimmi 2020-mi pulaagassarpassuaqartoq

Nunatsinni suliffeqarfippassuit ilaat arfininngornermi kulturisiortitsisussanngorput, innuttaasummi sumiiffiit ilaanni pulaagassaaleqinavianngillat.

Pinerluuteqarsimasunut inissiisarfik takusaqarfigerusuppiuk? Sulisullu qanoq suleriaaseqarnersut paasisaqarfigerusuppiuk?
Pinerluuteqarsimasunik Isumaginnittoqarfik aammaarluni kulturisiornissamut qaaqqusivoq.
Pinerluuteqarsimasunut inissiisarfimmi sulissagaanni sunik piumasaqaatitaqarnersoq inissiisarfillu unnuk manna paasisaqarfigineqarsinnaapput.
Tasiilami, Qaqortumi, Nuummi, Sisimiuni, Ilulissani Aasiannilu inissiisarfiit alakkarneqarsinnaassapput.

Sinerissallu ilaani politeeqarfiit unnussioqatigiinnissamut qaaqqusillutik.

 

AAMMA ATUARUK Unnuk Kulturisiorfik 2017

Nuummi Grønlandsbankenimi unnussiornissamut atatillugu Bagedystimeersoq, Rosa pulaartunut kaagiliortussaq unnuk manna naapinneqarsinnaassaaq.

INI A/S-eqarfiit, qatserisarfiit, napparsimmaveqarfiit katersugaasiviillu ilaat ammassapput.

AAMMA ATUARUK Københavnimi unnuk kulturisiorfimmi nunarput sammineqalersoq

KNR-imi aammattaaq kulturisiortitsisoqassaaq. Qanoruumi saqqummiinermik misileerusuttut KNR-TV-mukarsinnaapput. 
Radiokkut nalunaaqutaq arfineq marluniit qulingiluat tungaannut toqqaannartumik aallakaatitsisoqassaaq. Sinerissamiillu tusagassiisoqartassalluni, innuttaasullu nal. arfineq pingasuniit radiomukarlutik nipilersuummik kissaateqarsinnaassapput. KNR-TV-milu aallakaatitaq "Appiguk" pattattulerluni unnuk manna sammisaqartitsissaaq.

Pisussat nittartakkami kulturnat.gl -mi takuneqarsinnaapput. 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat