Unnuk Kulturisiorfik unnugu illoqarfinni nunaqarfinnilu arlalinni ingerlanneqassaaq

Unnuk kulturisiortarnerit ukioq 2001-mi Nuummi siullermeerluni ingerlanneqarpoq ukiullu tamaasa unnuk kulturisiornerit ingerlanneqartalerput, soorluttaaq sinerissami aamma unnuk kulturisiortoqartalersoq.

Nuummi immikkut malunnaateqartussaavoq. Illoqarfiit ukiuusartut borgmesterii ulluni makkunani Nuummi ataatsimiipput, ataatsimiinermullu atatitullugu nunanit allamiut 200-it tikillugit tikeraartorineqarput, taakkualu Kalaallit Nunaat allatorluinnaq misigissavaat, unnuk kulturisiorneq nalaarlugu Nuummiikkamik.

Sinerissami suliffeqarfippasuit matutik ammatissavaat, piumasullu pulaarsinnaapput, unnuk kulturisiornermilu peqataasut apeqquteqarsinnaallutik.

Timmisartortitseqatigiiffik Air Greenland Nuummi timmisartunik inissiisarfini ammatinniarpaa, Nunatta atugaateqarfiani sammisassat arlallit ingerlanniarneqarput, Nuummi immiaaraliorfik Godthaab Bryghus matuni ammatinniarpai, pulaartullu nassuiaanneqassapput, qanoq immiaaqqiortarnersut.

Oqaluffiit matutik ammatinniarpaat, isiginnaartitsisartoqatigiit Silamiut ilinniartuutitamik isiginnaartitsissusiaat takutinniarpaat, unnuullu ingerlanerani pingasoriarlugu isiginnaartitsissutiginiarlugu.

Kalallit Nunaanni tamarmi unnuk kulturisiornerit tamarmik takuneqarsinnaapput, nittartakkami dobbelt w-it pingasut naggat kulturnat naggat gl