Unnuk Kulturisiorfik nuna tamakkerlugu taamaatinneqartoq
Unnuk Kulturisiorfik taamaatinneqarpoq.
Ileqqoq malillugu unnummi kulturisiorneq januaarip ulluisa 23-anni aatsaat aaqqissuunneqartussaagaluartoq - unnuk taanna aaqqissuussisoqarnavianngitsoq maanna nalunaarutigineqarpoq.
Corona pissutaasoq, aaqqissuussisoq, Nunatta Atuagaateqarfiani pisortaq, Elisa Petersen oqarpoq.
- Pissutaa ataasiuvoq. Tassa nappaat Covid-19, nunatsinni suli atuutinngikkaluartoq upalungaarsimaffiginiarlugu, taanna oqarpoq.
AAMMA ATUARUK Unnuk Kulturisiorfik: Qanoruumi saqqummiisut nutaat
- Tassa siumungaaq taamatut nappaateqartoqalissagaluarpat immaqaluunniit mianersoqquneqalissagaluarutta piareerluta tassa asuli sulilussornata unitsereerniarlugu.
Taamaatitsinissaq siusippallaanngitsoq, taanna oqarpoq.
- Siusippallaarsorinngilarput tassa piffissaq una pikkusertaratta aammalu suliffeqarfiit allat kulturilerisullu pikialaarlutik aallartereertaramik sutitsissuugut, pikinerit aallartittarmata, aamma aperineqallaalereeratta piffissaq uatsinnit ajorinngilarput, Elisa Petersen oqarpoq.
Unnuk Kulturisiorfik Nunatta Atuagaateqarfianit 2000-mi aallartinneqarpoq.