Unnuit aappassaat Gaza saassunneqanngilaq
Nunaminertami Gazami sakkuaakkunnaarneq qajannaraluaqisoq maannamut suli ingerlagallarpoq. Nutaarsiassaqartitsivimmi Ritzauimi taama allaaserinnittoqarpoq.
Palæstinami Gazamut maannamut aatsaat taama aattaqartigisumik saassussineq unitsillugu Israel arfininngormat tunuartilerpoq. Illuatungeriit sapaatip akunnerata naanerani isumaqatigiissutigaat sorsuunneq unitsinniarlugu.
Israelimi ministeriuneq, Ehud Olmert, ippassaq oqarpoq, sorsuffik israelimiut sakkuituuisa sukkanerpaamik qimassagaat.
Hamasikkunnut sorsuunneq unitsillugu sakkuaakkunnaarnissaq Isrealip aalajangerpaa, USA Egyptenilu neriorsuereersullu, nunaminertamut Gazamut sakkunik anngiortumik eqqussuisarnerup pinngitsoortinniarnissaanut ikiuukkusullutik.
Israelimiut palæstinamiullu isumaqatigiinniartartui Egyptenip Kairomut sisamanngorpat qaaqquai, sakkuaakkunnaarnerup sivisunerunissaa anguniarlugu egyptenimiut siunnersuutaat pillugu illuatungeriit tamaasa immikkut ataatsimeeqatiseralugit. Qaaqqusinerli maannamut suli akineqanngilaq.
