Unnuisarfiit unnuiffigilluarneqartarput

Inuit Kalaallit Nunaanni unnuisarfinnut assigiinngitsunut, soorlu hotiilinut vandrehjemminullu, inniminniisartut amerleriarsimapput.

Unnuisimasut ukioq 2005-imi naatsorsorneqarnerat Kalaallit Nunaanni Naatsorsueqqissaartarfiup tamanut saqqummiuteqqammerpaa.

Unnuisarfinni unnuiniarlutik 2004-miit 2005-ip tungaanut allatsittartut 13 procentimik amerleriarsimapput, inuit unnuisimasut 25.000-inik amerlanerusimallutik.

Inuilli ulluni qassini unnuisarfinniikkusuttarnerat appariaateqarsimavoq. 2004-imi agguaqatigiissillugu ullut 2,8-simapput, taannali 2,7-imut appariarsimavoq.

Islandimiit takornariat unnuisarfinni unnuisartut amerleriarsimapput.

Qorlortorsuarmili erngup nukissiorfiliorniarneq islandimiunit aamma soqutigineqarluarmat, qeqertamit tassannga nunatsinnukaasut unnuerusuttullu 320 procentimik amerleriarsimapput.

Kalaallit unnuisarninni unnuisartut aamma amerleriarsimapput, taakku 15 procentimik amerleriarsimallutik.