Unnugu aasap nalunaaqutaa atorunnaassaaq

oktobarip 29-at 2005 13:29

Unnugu nalunaaqutaq akunnermik ataatsimik kinguartinneqassaaq, aasap nalunaaqutaa atorunnaarsinneqassammat.

Unnugu nalunaaqutaq aqqaninngorpat nalunaaqutaq akunnermik ataatsimik kinguartinneqassaaq, tassa 23.00-imiit 22.00-imut kinguartinneqassagami.

Illoqqortoormiormiulli kinguartitsinissaminnut akunnerni marlunni utaqqeqqaartariaqassapput. Unnuaru nalunaaqutaq ataasinngorpat nalunaaqutaq akunnermik ataatsimik kinguartissavaat, tassa nalunaaqutaq 01.00-imiit unnua’qeqqanut kinguartissammassuk.

Danmarkshavnimi Pituffimmilu aasap nalunaaqutaa eqqunneqarsimanngilaq, taamaattumillu akunnermik ataatsimik kinguartitsisoqassanani.