Fontain: Unnuap qeqqanut matusineq inatsisinik unioqqutitsinerunngilaq

Imerniartarfiit tallimanngornermi unnuap qeqqanut imigassallersinnaajunnaassasut, Peqqinnissamut naalakkersuisoqarfiup sapaatip akunnerani matumani pingasunngornermi nalunaarutigaa.

Tamanna isornartorsiorneqarput Sulisitsisullu inerteqqutaanerarpaat. Tamannali peqqinnissamut naalakkersuisup itigartitsissutigaa.

Agathe Fontain naapertorlugu kunngit pingasut nalunaaqutaq 00.01 aallartissaaq tallimanngornerlu arfininngorninngorluni.
Tamanna isumaqarpoq imigassallerneq nalunaaqutaq 24.00 unitsinneqassasoq. Tamanna KNR-imut allakkatigut akissuteqarluni nassuiaatigaa.
Inatsimmik nassuiaaneq taanna nioqquteqarfinni ilorrisimaarneqanngilaq. Sulisitsisullu inatsimmik unioqqutitsinerusoraat.

Sulisitsisut naapertorlugit tallimanngorneq nalinginnaasuuvoq, imerniartarfiillu unnuami pingasut tungaannut imigassallersinnaasariaqarput.
Nioqquteqarfiit suliamik eqqartuussivilersuussisinnaasut sulisitsisut allattoqarfiani pisortap, Karsten Lyberth-Klausenip oqaatigaa:

- Tamannami suliffeqarfinnut aningaasartuuteqarnerulersitsissaaq, aamma ilaasa Naalakkersuisoqarfimmut taarseeqqusissuteqarnissaat qularnanngilaq.

Imigassallersinnaanissamut inatsimmi immikkoortoq qanoq paasineqartariaqarnersoq, imigassallersinnaanermik akuersissutillip Peqqissutsimut naalakkersuisoqarfimmut siorna saaffiginnissutigisimagaa, Peqqissutsimut naalakkersuisup Agathe Fontainip ilisititsissutigaa.

Imigassanik sassaalliisinnaanermut inatsit ukioq 2000-imi atuutilermalli nalliuttut aqaguanni sassaalliisinnaanermut malittarisassat pillugit aatsaat aalajangiisoqarpoq.

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat