Unnuaanerani arpannissamut piffissanngorpoq
Ilulissani arpannissat aqagu pingasunngorpat aallartissapput.
Allattoq Louise M. Kleemann
Ulluni pingasuni tulliuttuni pisortatiguunngikkaluamik Kalaallit Nunaanni
pissartanngorniuuttoqassaaq kiisalu unnuap qeqqaanerani nunaannakkut 20 km-erisut isorartutigisumik orienteringsløbertoqassalluni. Aammattaaq 15, 10 aamma 5 km-imik arpattoqassaaq.
Ilulissat Orienteering Greenland aaqqissuussisuuvoq. IOG 1999-imi aggustimi pilersinneqarpoq nunatsinnilu orienteringsklubbini siullersaavoq mannalu tikillugu kisiartaalluni. Klubbi Kalaallit Nunaanni Timersoqatigiit Kattuffiannut ilaasortaavoq maannalu 120-inik tunniusimalluartunik ilaasortaqarpoq.