Unnerluutigineqarnini eqqississimasumik tiguaa
Demokraatit siulersuisuunerisa politiinut unnerluutigineqarnerat siulittaasup Jens B. Frederiksenip eqqissisimasumik tiguaa.
Allattoq Louise M. Kleemann
septembarip 17-at 2008 07:43
Partiimik aallartitsisup qinigaalluarnerpaasartullu, Per Berthelsenip, Demokraatit siulersuisuuneri piginnaatitaaffimminnik, partiillu nuna tamakkerlugu immikkut ittumik juulimi ataatsimeersuarnerani partiip aningaasaataannik atornerluisimasutut, politiinut unnerluutigai.
-Tupinnaqaaq Per Berthelsen imminut taama nikanarsarsinnaatigimmat. Politiinulli unnerluutiginnereermat neriuutigiinnarpara suliassaq politiit naammassipallassagaat, sulinerput eqqissilluta ingerlanniassagatsigu, Jens B. Frederiksen Radioavisimut oqarpoq.
Partii nuna tamakkerlugu immikkut ittumik ataatsimeersuareersorlu Per Berthelsen siulersuisunngortunit tunuartitaavoq.
