Unnerluussutit kinguartinneqarallarput

Meeqqanik kinguaassiutitigut atornerluisoqarneranik erseqqissumik allakkatigut unnerluussutigineqartut Nuummi politiinit tunuartinneqartariaqarsimasut, Nuummi kommunalbestyrelse-mi ullumi ataatsimiissutigineqartussani allassimasut ilagaat.

Nuummi nunatta atuagaateqarfianiit angut meeqqanik arfinilinniit aqqaneq-marlunnut ukiulinnik kinguaassiutitigut atornerluisartutut pasitsaanneqartoq arlaleriarlugu politeeqarfimmut nalunaarutigineqartarsimagaluarpoq.

Unnerluussutigineqartulli politeeqarfimmiit akueriumaneqarsimanngillat, aatsaalli nunatta atuagaateqarfia Nuup kommuniani inunnik isumaginninnermi ataatsimiititaliaanut saaffiginnimmat, suliaq borgmesterimut ingerlateqqinneqarsimavoq. Borgmesterilu politeeqarfimmut saaffiginnimmat aatsaat suliaq politiiniit pimoorullugu suliarineqalersimalluni.

Kommunalbestyrelse-p ataatsimiinnissaanut pilersaarummi allassimasoq naapertorlugu, politiit qisuariaatertik ajuusaarutigisarsimavaat.