Stonep pineqaatissinneqarnissaanut unnerluussisussaatitaasut innersuussutaat Trumpip takoreerlugulu Twitterikkut ilaatigut oqaatigaa, eqqunngitsuliornerullunilu naapertuilluanngitsuliornerusoq.Assi: Mark Wilson/AFP/Ritzau Scanpix

Unnerluussisussaatitaasut Roger Stone pillugu suliamut kimigiisertoqareersorlu tunuartut

Donald Trumpip siunnersortigisimasani pineqaatissinneqarnissaanut innersuussutigineqartoq isornartorsioreeraalu inatsisinik atuutsitsinermut ministereqarfiup suleriaatsini allanngortippaa.

USA-p præsidentiata, Donald Trumpip, siunnersortigisimasaata, Roger Stonep, eqqartuussaaneranut atatillugu naalagaaffiup unnerluussisussaatitaasui sisamat Trumpimut akerliunertik pillugu suliamit namminneq tunuarput.

Stonemmi unnerluussisussaatitaasut innersuussutaannut naleqqiullugu sakkukinnerusumik pineqaatissinneqarnissaa, USA-p præsidentiata USA-p inatsisinik atuutsitsinermut ministereqarfianut kimigiisissutigisimagaa oqaatigineqarpoq.

Naalagaaffiup unnerluussisussaatitaasuisa innersuussutaasa USA-p inatsisinik atuutsitsinermut ministereqarfianit kimigiisertoqarneratigut sakkukillisinniarneqarnerat naliginnaasuunngilaq.

Stonep pineqaatissinneqarnissaanut unnerluussisussaatitaasut innersuussutaat Trumpip takoreerlugulu Twitterikkut ilaatigut oqaatigaa, eqqunngitsuliornerullunilu naapertuilluanngitsuliornerusoq.

Roger Stonep kongressimut salluliorsimasutut ilisimannitttunillu qunusiarinnissimasutut ukiut arfineq-marluk qulingiluallu akornanni pineqaatissinneqarnissaa, naalagaaffiup unnerluussisussaatitaasuisa ataasinngornermi innersuussutigaat.

Roger Stonep, Donald Trump, præsidentimut 2016-imi qineqqusaarnerup nalaani qanimut suleqatigaa.

67-inik ukiulik, Roger Stone, immikkulaartuuvoq republikanerillu partiianni ukiorpassuarni sulisimalluni.

Stone, Donald Trumpip qineqqusaarnerani inuit arfinilissaraat, pinerluttuliorsimasutut 2017-imili pisuutinneqarsimanngikkuni nammineq pisuusutut nalunaarutiginnissimasoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat