Sermersuup Eqqartuussivia

Unnerluussisussaatitaasut arsaarinnissutiginiagarpassuaqartut

Nunatsinnut hashimik anngiortumik eqqussuinermi pasineqartut arfineq-marluusut eqqartuussivimmi suliami pisuutinneqarlutik eqqartuunneqassagunik atortorissaaruterpassuarnik aningaasarpassuarnillu arsaarneqarsinnaapput.

Qoorortuut, Ipadit, qarasaasiaq, oqarasuaatit, biilit angallatillu. Tamakkua unnerluussisussaatitaasut pasineqartut arfineq-marluusut pisuutinneqassappata arsaarinnissutiginiagaasa ilagiinnarpaat.

Inuit arfineq-marluk Danmarkimiit nunatsinnut hashimik anngiortumik kiilorpassuarnik eqqussuisutut unnerluutigineqartut, eqqartuussivimmi suliamut unnerluussummi KNR-ip pissarsiarisaami allassimavoq.

Eqqartuusivimmi sassartinneqartut Sermersuup Eqqartuussiviani pisuutinneqarlutik eqqartuunneqassagunik atortorissaaruterpassuarnik unnerluussisussaatitaasut arsaarinnissuteqarfiginiaraat quppernerni kingullerni allassimavoq.

Qorortuut qulit, Audi A6, Toyota Landcruiser, umiatsiaaqqat arlaqartut, qamuteralaat aningaasallu 9,75 millionit koruunit ilaatigut arsaarinnissutiginiarneqarput.

Pasineqartullu arfineq-marluk pisuutinneqarlutik eqqartuunneqassagunik eqqartuussivimmi suliami aningaasartuutaasut akilissagaat, unnerluussisussaatitaasut piumasaqaatigaat.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat