Ilinniartut ilinniakkaminnik taamaatitsiinnartartut ilinniarfinni tamani ikilisinnissaat Naalakkersuisut pimoorullugu anguniarpaat.
- Ilinniakkaminnik taamaatitsiinnartartut ikilisinnissaat siunertaralugu, Naalakkersuisut suliniutinik arlalinnik aallartitsipput, taama oqarpoq Ilinniartitaanermut, Ilisimatusarnermullu Naalakkersuisoq, Doris Jakobsen.
Ilinniarfinni ataasiakkaani attaveqaateqalernissaq;
ilinniarnermi periaatsinik sungiusarneq; ilinniarfinni ataasiakkaani taamaatitsiinnartartunik misissuineq;
ilinniartunik siunnersuisarneq; inuttut ineriartorneq;
ilinniartoqarfinnilu ”arnarsiaqartitsisarnissat” piviusunngortineqarnissaat sulinitigineqassaaq.
-Taamaatiinnartartunik ikilisaaniarluni aningaasanik atugassanik qinnuteqarsinnaaneq pillugu ilinniarfiit aamma kommunit ukioq manna kingumut allaffigineqarput, Doris Jakobsen oqarpoq.
Suliniutit malittarineqarlutik nalilersorneqartassapput, sunniuteqarnerpaat ilinniarfinnut atuuttussanngortinneqartassallutik.