Assi: Dan Bach Kristensen

Folketingemut ilaasortaq Unioqqutitsisoqarsimappat tamanna akuersaarneqarsinnaanngilluinnarpoq

Sakkutuut imarsiortut tunumi nunami eqqissisimatitami umimmamik pisaqarsimaneranik pasineqarnerat ilumoorpat, tamanna naalagaaffiup tusaamaneqarneranut innarliissaaq. Taama isumaqarpoq IA sinnerlugu folketingemut ilaasortat Aaja Chemnitz Larsen

-Sukkulluunniit unioqqutitsisoqarsimappat, tamanna akuersaarneqarsinnaanngilluinnarpoq, Kalaallit Nunaanni naalagaaffimmut sinniisutut nunami eqqissisimatitami unioqqutitsisumik iliorsimagaanni, Aaja Chemnitz Larsen oqarpoq. 

AAMMA ATUARUK Eqqissisimatitami umimmanniarneq akuerineqarsinnaanngilaq

Issittumi Sakkutooqarfiup umiarsuaanni sinerissami nakkutilliissummi inuttat, tunumi nuami eqqissisimatitami umimmammik pisaqarsimasutut pasineqarput.

Nunap eqqissisimatitap siunertaraa nunap ilaata tamatuma pissuseqqaarisimasamisut taannaattuartinniarnissaa.

Nunami eqqissisimatitami nuna, naasui, uumasui itsaaniillu inoqarfiusimaneranut takussutissat sapinngisamik allanngutsaaliorneqassapput. Aallaaniarneq suugaluartunilluunniit soorlu umimmanniarneq  inerteqqutaavoq.

AAMMA ATUARUK Umiarsuarmi alapernaarsuummi inuttat Nuna allanngutsaaliukkami umimmammik pisaqartut

- Danmarkip kalaallit nunaanni tusaamaneqarnera innarlerneqassaaq, nunami eqqissisimatitami unioqqutitsilluni piniartoqarsimappat, folketingemut ilaasortaq isumaqarpoq.

Naalagaaffiup Kalaallit Nunaanni sinniisui unioqqutsitsimappata,  Danmarkip kalaallit nunaanni tusaamaneqarnera pineqarpoq, Aaja Chemnitz  Larsen oqarpoq, Illersornissamut ministereqarfiup inatsisilernermut allaffeqarfiata misissuinerata naammassinissaat taassuma utaqqimaaqqaarniarpaa, qanoq iliuuseqartinnani.

- Unioqqutitsisoqarsimappat soorunalimi kinguneqartitsisoqassaaq, IA sinnerlugu folketingemut ilaasortaq Aaja Chemnitz Larsen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat