Unioqqutitsilluni appanniartoqartarunarpoq

Appat ineqarfiiniittut appat ikileriapiloorsimaneri paasineqareersorlu appat pisarineqarsimasut allattorsimanerinut kisitsisit Aalisarnermut Piniarnermut Nunalerinermullu Naalakkersuisoqarfiup misissugarileruttorpai.
Allattoq Carla Davidsen
maajip 25-at 2012 12:58

Appat ineqarfii appaarukkiartortut tassaapput Appat Innaat Qeqertarsuup tunuaniittoq, Kingittoq Upernaviup eqqaaniittoq, Kitsissut Avalliit Illoqqortoormiut eqqaaniittoq kiisalu Kangikajik nunatta kujataatungaaniittoq.

Appat ikileriarsimaneri unioqqutitsilluni piniartoqartarsimaneranik aallaaveqarnissaa pasineqarpoq.

Pissutsinik aaqqeeriaanissaq misissuinerup inerneri, uumasorsiuullu innersuussutaat kingulliit toqqammavigalugit iluarseeriartoqassaaq.

Appanniarnermut maleruagassat, appanniarnermilu pissuserissaarnissaq pillugit Pinngortitaleriffik Piniarnermullu Naalakkersuisoqarfik ataatsimoorussaminnik massakkorpiaq paasitisiniaapput.

Appat ikiliartornerat pillugu arfininngorpat nalunaaqutaq ualikkut arferngup qeqqanut KNR-ip radioatigut aallakaatitsisoqarpat malinnaavigisinnaavat.