Unioqqutitsilluni appanniarneq mianersoqqussutigineqartoq
Qaanaap Ittoqqortoormiillu aqutsiveqarfiini upernaakkut taamaallaat appanniartoqaqqusaasoq, Namminersorlutik Oqartussat eqqaamaqqusipput.
![](/sites/default/files/styles/image_934x467/public/article_images/lomvier_appat_foto_blake_matheson_flickr.jpg?itok=P3RzKzBm)
Allattoq Inge S. Rasmussen
Nutserisoq Ivik Kristiansen
Ittoqqortoormiini upernaakkut appanniarneq maajip 31-iani naavoq, Qaanaamilu juunip 15-iani naassalluni.
Sumiiffinni allani appanniarneq unioqqutitsineruvoq, politiinullu unnerluussutaasinnaalluni, piniarnermut naalakkersuisoqarfik Naalakkersuisut nittartagaanni taama allaaserisaqarpoq.
Appanniarneriinnaanngilarli inatsisinik akerliusoq. Aamma appat imeqqutaallallu manniinik mannissarneq inatsisinik unioqqutitsinerusoq, naalakkersuisoqarfiup erseqqissaassutigaa.