Avataaniit suliartortut pillugit paasiuminartunik najoqqutassiornissap suliarineqarnera aallartereersoq, Naalakkersuisut siulittaasuat Hans Enoksen oqarpoq. Inuit Ataqatigiit aasaanerani Nuup eqqaani Qoornumi ataatsimeereerlutik piumasarigaluarpaat avataaniik suliartortut pillugit Naalakkersuisut ersarinnerusunik najoqqutassiortariaqartut. Hans Enoksen oqarpoq januaarimi 2008-mi ministeriunerup, Anders Fogh Rasmussenip ataatsimeeqatiginerani, allamiunik suliartortitsinermut atatillugu Kalaallit Nunaanni ajornartorsiutaalersussat eqqartorsimagitik.
– Aamma Alcoa pilerpat CO2-mik qaangiissutissanik nunanit allanit pisisariaqartalernissaq naatsorsuutigalugu iliuuserisartagassagut misissorlugit aallartereerpugut, Hans Enoksen oqarpoq nangipporlu:
- Aamma aatsitassarsiornermut atatillugu allamiunik suliartortitsisarnissat najoqqutassiuullugit aallartereerpugut.