Politiit ullormut nalunaarutaat: Unikimi tillinniarneq – aamma
Pisiniarfimmi Unikimi sisamanngornermut unnuaani nalunaaqutaq pingasunut qiteqqutiliivissoq tillinniartoqarneranik nalunaaruteqartoqarpoq, Kalaallit Nunaanni politiit paasissutissiipput.
- Pisumut tunngatillugu takunnissimasinnaasunik ujartuivugut, innuttaasullu nalunaaqutaaqqanik tuniniaaffigitissagaluarunik sianigilluinnarnissaannut kajumissaarneqarput, politiit pigaartuisa pisortaat Preben Kleist oqarpoq.
Tillitaasimanissaammi ilimanaateqarpoq. Taamaattumik pisissagaluaraanni pisinermut uppernarsaat eqqaamallugu.
Qaqortumi takunnissimasinnaasunik ujaasineq
Qaqortumi politiit Peter Høghsvejip nalaani pingasunngornermi 17. Apriili nalunaaqutaq ullaakkut tallimat arferngullu qeqqata akornanni pisimasumut tunngatillugu, inuusuttuaqqanik pingasunik paasissutissanik pingaarutilinik peqarsinnaasunik ujaasipput.
Arnaq ingerlaqqinnginnermini napparsimmavimmut sianeqqusisimasoq pillugu inuusuttuaqqat pingasut ujartorneqarput, politiit oqarput.
- Takunnissimasinnaasut taakku oqaloqatigerusoqaavut, suliamimi paasinarsisitsisinnaasunik paasissutissanik pingaarutillinnik ikiuussinnaassammata, Qaqortumi politiit taama oqarput.
Qatserisartut biilii pillugit suliami nutaamik paasissutissaqanngitsoq
Nuummi angut qatserisartut biiliinik ippassaq aallarussisoq pillugu suliami nutaamik suli paasissutissiisoqanngilaq. Suliap misissorneqarnissaanut tunniunneqarsimasoq politiit paasissutissiissutigaat.
Unnuaq tillinniarnermut tunngasumik imaluunniit qaqortumi suliamut tunngatillugu ilisimasaqaruit, Kalaallit Nunaata politiivinut sianersinnaavutit uunga 70 14 48.
