Unicefip Kalaallit Nunaat nersualaarpaa

Kalaallit Nunaanni kinguaassiutitigut atornerluisarneq pillugu ammasumik oqaluuserineqartalermat aamma meeqqanut inuusuttuaqqanullu naalakkersuisut suliniuteqalernerat Unicefimit nersualaarneqarpoq.
Allattoq Bikki P. Kleist
oktobarip 28-at 2009 13:16

- Meeqqat aallaavigalugit suliniuteqarnerulerneq pingaartumik kinguaassiutitigut atornerluisarneq pillugu suliniuteqarnerulersimaneq malunnarpoq, Unicefip qullersaqarfiani allattaaneq, Steen M. Andersen DR-ip P1-anut oqarpoq.

Kinguaassiutitigut atornerluisarneq pillugu ukiut ataaseq matuma siornatigut oqallittoqaleraangat ammasumik oqaluuserinnittoqarneq ajorpoq aamma ilaatigut oqartoqartarpoq, ajornartorsiutit aamma Qallunaat Nunaanni ajornartorsiutaapput, tamannalu allanngorsimasoq, Steen M. Andersenip oqaatigaa.

Meeqqat atorneqarlunneqarsimasut ornittagaqarfeqalernissaat, illoqarfinni tamani meeqqanut inuusuttunullu ornittagaqarfeqarnissaq, sulisut ilinniarteqqinneqartarnissaat, angerlarsimaffinnilu persuttaasarnerup pinaveersaartinnissaannut kiisalu ilaqutariinnut højskolertitsisalernissaq pillugit suliniuteqalernissat Isumaginninnermut Naalakkersuisoqarfimmit saqqummiussaqaqqammerpoq tamannalu

Naalagaaffiit peqatigiit meeqqanut suleqatigiiffiata Unicefip nersualaarussutigaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq