UNICEF: Meeqqat pisinnaatitaaffiinik Kalaallit Nunaat unioqqutitsivoq
Ukiuni arlaqalersuni misissuinerit paasinarsitissimavaat Kalaallit Nunaanni meeqqat arfinilerarterutaat naammattumik nerisassaqarneq ajortut, tamannalu pissutigalugu UNICEF naliliivoq, meeqqat atugarisaat pillugit Naalagaaffiit Peqatigiit suliniaqatigiiffiata meeqqat pisinnaatitaaffii pillugit isumaqatigiissutaanik Kalaallit Nunaat unioqqutitsisoq.
- Isiginngitsuusaaginnarsinnaanngilarput isumaqarluta tamanna qaangiukkumaartoq, takusinnaavarpummi meeqqat atugarisaat ukiuni kingullerni tallimani/arfinilinni ajorsiartuinnarsimasut, Steen Andersen oqarpoq.
Kalaallit meerartai kaattut UNICEF-imit ikiorserniarneqalerput. Suliniaqatigiiffiulli aningaasanik nunanut siuarsarniakkanut katersat Kalaallit Nunaannut atornianngilai, taamaammat allatut iliorlutik aningaasassarsiorniarlutik, Steen Andersen oqarpoq.