Naalagaaffiit Peqatigiit meeqqanut suliniaqatigiiffia, Unicef coronavirusip sammineqangaatsiarnera pissutigalugu angajoqqaanut meeqqat ernumanerannut apeqqutissaannullu akissutissanik arfineq-marlunnik siunnersuutissatsialaqarpoq.Assi: Delil Souleiman/AFP/Ritzau Scanpix

Unicef: Meeqqat coronavirus pillugu ima oqaloqatigissavat

Coronavirusip sammineqarnera ulluni makkuna initoorujussuuvoq. Angajoqqaat pissutsit pillugit meeqqaminnut qanoq oqaloqatiginnissinnaanerannut uani qassiiusunik siunnersuutissaqarpoq.

Coronavirus pineqartoq Kinamit nunarsuarmi sumiiffinnut assigiinngitsorpassuarnut siaruaappoq. Maannalu danskeq siulleq tunillatsissimasutut nalunaarutigineqarluni.

Danskeq tunillatsissimasoq TV2-mi atorfeqarmat suleqatai 16-it ulluni 14-ini angerlarsimaffimminniiginnartussanngortinneqarput.

Naalagaaffiit Peqatigiit meeqqanut suliniaqatigiiffia, Unicef coronavirusip sammineqangaatsiarnera pissutigalugu angajoqqaanut meeqqat ernumanerannut apeqqutissaannullu akissutissanik arfineq-marlunnik siunnersuutissatsialaqarpoq.

Taakku uani atuarsinnaavatit:

* Danmarkimi oqartussaasut virusip Danmarkimi siaruaatinnginnissaa sulissutigingaatsiaraat erseqqissaatigiuk.

* Nunarsuaq tamarmi ajornartorsiutaasumut aaqqiissuteqaqataaniartoq nassuiaatigiuk.

* Naatsunik ersarissunillu akissuteqarit. Pisut annilaarnangaatsiartut eqqartoqqissaarnissaat paasissutissalluunniit annertunaarnissaat pisariaqanngilaq.

* Tusakkiakkat naqqikkit. Meeqqavit tusatsikkat sumi tusarsimanerai paasiniaruk tusatsiakkallu piviusumut ataqatigiinnginnerat naqqiissuteqarfigiuk.

* Meeqqat sapinngisamik paasissuteqarfiginaveersaaruk. Meeqqat mikisut coronavirusi pillugu paasissutissiissuteqarfiginissaat pisariaqanngilaq.

* Nutaarsiassat isumatusaartumik atukkit. Meeqqat annerit inersimasumik, paasissutissanik sukuiaanermi nassuiaateqarsinnaasumik taamaallaat ilaqarlutik isiginnaasariaqarpaat.

* Tamanna oqaloqatigiinnermut atoruk. Nappaatit qangaanerusoq siaruaatiinnarsinnaatinneqartarmata ulorianarnerujussuusimasut nassuiaatigiuk. Pisimasut maannammut ilikkagaqarfiunikuupput nappaatillu tuniluunnissaata killilersimaarneqarnissaa ilikkarneqarnikuulluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat