- Nuummimi eqqaanilu imigassamik matusigallarnerup ilutigisaanik ilaqutariinnut imigassamik atornerluinerpaaffiusunut naapertuuttunik iliuuseqartoqartariaqarpoq, Sara Olsvig P1-imut oqarpoq.

Unicef: Imigassamik matusigallarneq ajunngilaq - eqqissiviilliortoqarsinnaavorli

Naalakkersuisut Nuummi imigassaq matugallarpaat.

Coronavirusi nunatsinni illoqarfiit pingaarnersaanni siaruatsaaliorniarlugu Nuummi nunaqarfiinilu marlunni imigassap matuneratigut iliuuseqaqqittoqarpoq.

Imigassaq arfinngormat unnukkut apriilip ulluisa 15-iata tungaanut atuuttussamik matuneqarallarpoq.

Nunatsinni oqartussat oqarnerat naapertorlugu imigassartorluni fiistannerit ilaatigut tunillaassuuffiusinnaammata toqqissiviilliortitsisarmatalu taama iliuuseqarput.

Naalakkersuisulli oqarnerat naapertorlugu nunatsinni illoqarfiit pingaarnersaanni meeqqat imigassartorluni fiistannermi imigassamillu atuinermi toqqissisimajunnaartut aamma illersorniarlugit taama iliuuseqartoqarpoq.

AAMMA ATUARUK Nuummi, Kapisilinni Qeqertarsuatsiaanilu imigassat matuneqarallartut

Taamatullu iliuuseqarneq ajunngilluinnartoq, UNICEF Danmarkip Kalaallit Nunaanni suliniutinut pisortaa, Sara Olsvig, Danmarks Radiomi P1-imut oqarpoq.

- Ataatsimut isigalugu coronavirusip nunarsuaq tamakkerlugu tunillaassuunnerani taama iliuuseqartoqarmat paasisinnaakutsoorparput, Sara Olsvig oqarpoq.

Imigassap matuneqarallarnera meeqqanut toqqissisimanarnerusoq

Meeqqat toqqissisimanissamik pisinnaatitaaffeqarput, inersimasulli imigassamik atuivallaaleraangata meeqqat toqqissisimajunnaartartut, Sara Olsvig nassuiaavoq.

- Meeqqat inersimasut imigassap matuneqarallarnerani qanoq qisuariarnissaannik pissusilersornissaannillu naluersornissaminnut periarfissakeqaat. Taamaattumik imigassamik atuisoqarpallaarnissaa ingalassimasinnaagutsigu, tamanna meeqqanut soorunami toqqissisimanarnerussaaq.

Imigassamilli matusigallarneq naammaqqajanngitsoq, Unicefimi pisortaq isumaqarpoq. Meeqqat imigassamik atornerluisunik imigassamillu ullormiit ullormut pisisinnaajunnaartunik angajoqqaallit paaqqutarineqarluarnissaat qulakkeertariaqarpoq.

Iliuuserisat amerlanerusariaqartut

- Ilaqutariit taakkua aatsaat taama nalaataqartut nalunngilarput. Imigassallu matuneqarnera pissutigalugu ilaqutariinni eqqissiviilliortoqaleraangat toqqissisimajunnaartoqarsinnaasarpoq, Sara Olsvig oqarpoq.

AAMMA ATUARUK Inatsit nukingiussaq: Politiit angerlarsimaffinnut akuersissuteqaratik isersinnaalissapput

Taamaattumik Naalakkersuisut imigassamik atornerluisut imigassamik atuisinnaajunnaarneranni qanoq iliortoqassanersoq aalajangertariaqarput.

- Nuummimi eqqaanilu imigassamik matusigallarnerup ilutigisaanik ilaqutariinnut imigassamik atornerluinerpaaffiusunut naapertuuttunik iliuuseqartoqartariaqarpoq, Sara Olsvig P1-imut oqarpoq.

Isummersuutit

Coronavirusimik tunillatsinissaq pinaveersaaruk

Nunatsinni coronavirusi pillugu killiffik

  Misissorneqareersimasut 7505
  Tunillanneqarsimasut 14
  Peqqisseqqittutut nalunaarutigineqartut 14
  Napparsimavimmi uninngasut 0
  Anersaartuuteqartitaasut 0
  Toqquteqartut 0
Pissarsivik: nun.gl
  Nutarterneqarpoq
  septembarip 21-at 2020 nal. 10:45