Københavnimi inuusuttut illorisimasaannik ingutserneqartumik perulluliuutaasimaqisumillu saliineq 2,6 million koruuneqassaaq.
Københavnimi borgmesteriuneq Ritt Bjerregaard taama ilisimatitsivoq.
Illu ingutserneqarnialermat inuusuttorpassuit akerliussutsimik aserorterisarlutik takutitsineranni ikuallernernik qamisaanermut 31.000 koruunit atorneqarsimapput, taamatuttaaq aqqusermik iluarsaanermut 1,4 million koruunit, iliveqarfimmik aserorteriffigineqartumik iluarsaanermut 800.000 koruunit ingutserinermullu 1,7 million koruunit atorneqarsimallutik.
Taakku saniatigut eqqartuussisunik atuinermut aningaasartuutit suli inissinneqanngitsut Ritt Bjerregaard ilisimatitsivoq.