Ungasianiit nakorsiartitsinerup tappingernissaraluaq pinngitsoortippaa
Kalaallit Nunaannimi taamaattoqaraangat Københavnimi Isinut Nakorsiartarfimmut suliaritikkiartorneqartarput.
Isit pillugit nakorsiartoqaraangat peqqissaasut nakorsiartoq misissortarpaat, misissuinerullu inerneri Københavnimut nassiullugit, nakorsallu nappaat taamaalillutik suussusersisarpaat.
Arnap kalaallip ataatsip isigisaa ungasianiit nakorsiartitsineq atorlugu ataasiarluni annaanneqarpoq:
- Arnaq illuanik tappingersimasoq pillugu Kalaallit Nunaanniit qanittukkut sianertoqarpoq. Isimi aappaagut arlaleriarluni annersinneqarsimavoq. Arnap isaata assilinera uatsinnut nassiunneqarpoq, takusinnaavarpullu aanaarsimasoq. Sukkanerpaaq atorlugu Københavniliartipparput, isaalu taamaalilluta annaallutigu, Marianne Birch Viese oqaluttuarpoq.
Ungasianiit nakorsiartitsisarneq, taaguuteqartoq Pipaluk, ukiut marluk matuma siorna atorneqalerpoq, illoqarfinni nunaqarfinnilu ikinnerpaamik 50-inik inulinni periarfissaalluni.
