UNESCO-mit allatsissimaneq ukiumut 63,5 mio. kr.-inik naleqarpoq

Ilulissani Kangia pillugu allaffiup ullumi tamanut saqqummiuppaa aningaasaqarnikkut misissuisimaneq University of Washington-imeersoq, taassuma takutippaa Ilulissat Kangerluat UNESCO nunarsuarmioqatigiinnut kingornutassiamut ataqqinaataaqisumik allassimatitaanera, ukiumut 63,5 mio. miss. naleqartoq.

Nalunaarusiami kisitsisitalerneqarpoq nunarsuarmioqatigiinnut kingornutassianngortitsineq naleqarnerulersitsisoq sumiiffimmi nunaqartunut Kalaallit Nunaannullu iluaqutaasumik kisitsisillu iluani ilaanngilaq takornariaqarnerup nalitussusaa tamannami takornariarfioreermat UNESCO-mulli ilaatitaalinngikkallarmat.

Aningaasaqarnikkut misissuinerup ilanngullugu inassutigaa, misissuisimanerit siulliit naapertorlugit, takornarissanut nutaamik akileraarusiisoqassasoq 10 kr.-nimik Ilulissani unnuinermut ataatsimut. Periuseq taanna nunani allani takornariaqarfissuarni atorneqarpoq s.ass. Alpini. Takornariaqarnermut akileraarut nunarsuarmioqatigiinnut kingornutassiamut ingerlatsinermut aningaasalersueqataassaaq. Takornarissat annertuumik piumassuseqarluartarput aningaasaliissuteqarnissaminnut nunarsuarmioqatigiinnut kingornutassiaqarfinnut kingornutassiatullu inississimaneq attatiinnarusullugu.

Pilersaarutaavoq nunarsuarmioaqatigiinnut kingornutassiap naleqartitsineruneranik misissuineq sukumiinerusumik misissuinissamik malitseqartinneqassasoq tassani aamma University of Washington suleqatigalugu.

 

Naja Habermann Kangiata kangerluata allaffeqarfianeersup 65,3 mio.-it ikinaarneqarsimanasorai.

Akuersissutip tunniunneqarneranit ukiut siulliit pingasut qaangiunnerini Ilulissanut takornariartartut 50 %-inik amerleriarput. Nunattalu sinnerani qaffariaat 10 %-iulluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat