UNESCO: Kalaallit oqaasii navianartorsiorput

Nunarsuarmi oqaatsit maannakkut atorneqartut 10 procentii ukiut 100-t tulliit ingerlanerini kisimik atugaalernissaat, Naalagaaffiit Peqatigiit ilinniartitaanermut, ilisimatusarnermut kulturimullu suleqatigiiffiata, UNESCO-p, aarleqqutigaa.
Allattoq Mads Lynge
januaarip 04-at 2010 07:01

Kalaallit Nunaata kitaani oqaatsit atorneqartut navianartorsiortutut nalilerneqarput, Tunumiusullu avannaamiusullu oqaatsit navianartorsiorluinnartutut nalilerneqarlutik.

Oqaatsit navianartorsiortutut FN-imit nalilerneqartut 2.400-t nalunaarsorneqarsimanerat, oqaasilerituup Peter Bakkerip pissutissaqarluarnerarpaa:

- Oqaatsit atorneerukkaangata ajornartorsiutit pilersarput, oqaasileritooq oqarpoq.

Oqaatsit navianarsiortutut nalilerneqarsinnaasut nalunaarsorneqarnerisigut eqqumaffigineqarnerulernissaat UNESCO-p neriuutigaa.

- Oqaatsit eriagineqanngippata kulturikkut piitsuunerulissaagut, Peter Bakker oqarpoq.

Oqaatsit ilisimatusarnikkut soqutigineqarnerulernissaat UNESCO-mit neriuutigineqarpoq, aningaasaliissutit taamaaliornikkut amerlinissaat aamma neriuutigineqarluni, soorluttaaq katersugaasiviit soqutiginninnerulernissaat neriuutigineqartoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq