AWG2016 Unammiuaarnerit akeqanngitsumik malinnaaffigineqarsinnaassapput

Issittormiut Nuummi unammiuaalerpata timersuutit Nuummi unammissutigineqartussat katillutik 14-iupput. Arctic Winter Gamesimi unamminerit, silami illullu iluani pisussat, soqutiginnittunut tamanut akeqanngitsumik billetseqarani malinnaaffigineqarsinnaassapput.
Assi © : Mads Pihl/Visit Greenland
Allattoq Mads Lynge
februaarip 25-at 2016 05:34

Unamminerit assigiinngtisut tassa akeqanngitsumik malinnaaffigineqarsinnaassapput:

- Timersornikkut programmip kikkut tamarmik timersuutit akeqanngitsumik isiginnaariarfigisinnaasaat, saqqummiunnissaa nuannaarutigaarput, Arctic Winter Gamesip general manageria Maliina Abelsen oqarpoq, periarfissatsialaallu amerlasuunit atorluarneqarnissaa neriuutigalugu.

Tassa Nuummi Arctic Winter Gamesertoqarnerani timersuutit tamarmik, illup iluaniittut silamiittulluunniit akeqanngitsumik isiginnaariarneqarsinnaassapput, programmilu sapaammi marsip ulluisa arfernanni aallartissaaq, tallimanngornermilu marsip ulluisa aqqarnannut ingerlassalluni.

Aamma atuaruk AWG2016 qanoq eqqaamarusuppiuk