Assi: Avannaata Qimusersua/Facebook

Unammisussat naligeeqisut

Avannaata Qimussesua ukioq manna arfinngorpat Aasianni ingerlanneqassaaq. Unammersuarfissaq 40 kilometerinik isorartussuseqarpoq, ingerlaarfissarlu isumannanngitsoq, aaqqissuisut oqarput.

- Siku ajungittorujussuuvoq, sikukkut aallassapput manineqanngilaq imatut arlaatigt perlataarfiusinnaasumik. Aputeqarpoq sikuulluni soorunami taamaakkaluartoq assigiimmik atugassaqarnissaat sukkaniuttut siunertaralugu sulinerput igerlavoq, Avannaata Qimussersuani Kalaallit Nunaanni Qimussertartut Kattuffiannit aaqqissuisuusumi siulittaasoq Mikkel Jerimiassen taama oqarpoq.

Kalaallit Nunaanni qimussillaqqinnerpaanngorniutussat arfininngorpat 38-upput.

Unammisussat naligiissaqisut, taanna naliliivoq. 
- Nikingassut milligaluttuinnarpoq aallartarnerat sungiusaanerallu isigalugit tamarmik takorannersuliortarput, Mikkel Jerimiassen taama oqarpoq.

Aammali misilittagallit, soorlu Saqqameersoq William Jensen, Uummannallu sulluaneersut Anton Street aamma siorna ajungaasuusoq Edvard Samuelsen kiisalu misilittagartunersaat Wille Siegstad immikkut taasarialittut tiukkuarpai. 

Kattuffimmi siulittaasup Qimussersuup Aasianni ingerlanneqalernera ima nassuiarpaa:

- Aasianni susoqartariaqalerami. Kingullermi siuleqaranilu kinguleqanngitsumik Aasianni 2000-imi Qimussersuartitsivugut taava tassa ukiut 17-it qaangiutillartullu, kiisami Aasianneeqqippugut, aamma taama ikertutigineranut ilaatigut pissutaavoq Aasiaat sikkortunngikkaangamik sikussaavinnikuunera ilaatigut, Mikkel Jerimiassen taama nassuiaavoq.

Avannaata Qimussersuarni inersimasuni unammisut katillugit 38-ussapput.

Avannaata Qimussersua Meeqqanit ammarneqareerpoq. Tullinnguuttulli unammisussat inersimasut aqaguagu arfiningorpat aallartissapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat