Unammisartut nukkassaatitunngitsut

Qeqertarmiut timersuutinik Ålandimi qaammatip ataatsip matuma siornatigut unammiuaarneranni timersortartut nukkassaatinik qasujaallisaatinilluunniit atuisimanersut siullerpaamik misissuisoqarpoq, inernerillu maanna saqqummiunneqarput. Nuannaarutissaappullu.
aggustip 03-at 2009 08:45

Timersortartummi nukkassaatinik qasujaallisaatinilluunniit atuisimanngitsut, Qeqertarmiut unammiuaartarnerannut atatillugu aaqqissuisuusartuni, The International Island Games Associationimi, IIGA-mi, qullersap, Kay Battyp, tamanna nalunaarutigaa.

Nukkassaatinik qasujaallisaatinilluunniit atuisarnerup nunarsuaq tamakkerlugu akiorniarneqarnera eqqarsaatigalugu IIGA timersortartunik misissuivoq.

Nukkassaatinik qasujaallisaatinilluunniit atuisoqarnersoq pillugu misissuisussamik, Qeqertarmiut 25-t tamarmik immikkut ittumik toqqagaqarput, nukkassaatinik atuinermik akiuiniaqatigiiffik WADA suleqatigalugu Qeqertarmiut unammiuaarneranni timersortartunik misissuisoqassalluni. Timersortartunik misissuinerni inernerit Karolinska Sygehusimit nalilersorneqarput.

IIGA-mi qullersap Kay Battyp misissuinerit iluarai, nukkassaatinillu atuisoqarsimannginnera oqiliallaatigalugu.

Qeqertarmiut unammiuaartarnerat 2011-mi nangeqqissaaq, Isle of Wightimi unammiuaartoqartussaammat. Kay Battyllu neriorsuutigaa nukkassaatinik qasujaallisaatinilluunniit atuineq akiorniartuassallugu.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq