Isikkamik arsaalluni pissartanngorniunneq: Unamminerit naligiiffiusut

Qeqertarsuarmiut G-44 Iluliarmiunut N-48-mut unammimmata Qeqertarsuarmiut marloraarlutik ajugaapput, N-48 ataaseraartoq.

Unamminermi tullermi B-67 ajugaapput, Eqaluk-54-imut pingasoraarlutik. Kujataamiut ataaseraartut. Unammineq naligiiffiuvoq, unamminerli naammassingajalersoq B-67 marlunnit isertitsilluni siuarpoq.

Ippassaq pingasunngornermi unammisut kingulliit tamarmik Nuumminngaanneersuupput. IT-79 GSS-imut marloraarluni ajugaavoq, GSS isertitaqanngitsoq.

Pissartanngorniunneq ullunik pingasunik ingerlareernerani G-44 siuttuuvoq, IT-79 tulliusoq B--67 pingajuanni inissisimavoq. B-67-ili marloriaannaq unammivoq, ataasinngormat N-48-mut unamminissaraluat silap ajornera pissutigalugu arsittut tikinngitsoormata arfininngornermut kinguartinneqarmat.

Ullumi nalunaaqutaq pingasunut N-48 Eqaluk.54-ilu unammissapput. B-67 GSS-ilu tallimanut, arfineq-marlunullu IT-79 G-44-mut.

Unamminerit KNRTV-ikkut toqqaannartumik malinnaavigineqarsinnaajumaarput.