Timersoqatigiit kattuffianni siulittaasoq, Nuka Kleemann.Assi: GIF

Island Games: Unammiartortut piareersarluarsimasut siulittaasumit nersualaarneqartut

Island Gamesimi unammisaqattaanerit tallimanngormat naggaserneqarput, kalaallillu peqataasut kiassiorsinnarlutik Københavnimut sapaammi tikipput. Kalaallillu peqataasut katillugit arfineq pingasunik medaljannallutik.

Kalaallit unammiartortut piareersarluarsimanerat timersoqatigiit kattuffiannit nersualaarneqarput, ilimagisamiillu angusarissaarluartik.

- Island Gamesip ukiormanna ingerlanneqarnerani kalaallit unammiartortut amerlassusaat aallaavigalugu isumaqarpunga angusarissaartorujussuusut, unammisummi katillugit arfineq pingasunik medaljannapput, ilimagisamiillu angusarissaarluarput, Kalaallit Nunaanni Timersoqatigiit Kattuffianni siulittaasoq, Nuka Kleemann oqarpoq nangillunillu:

- Tamatuma takutippaa timersortartut ukiuni kingullerni piareersarluarsimallutillu unammersuarnerni peqataasarnerat, tamannalu kattuffimminngaannit tulluusimaarutigaarput, Nuka Kleemann oqarpoq. 

Island Gamesip 2021-mi ingerlanneqaqqinnissaanut timersortartut piareersarluaqqinnissaat, siulittaasumit kaammattuutigineqarpoq:

- Piareersarluarsimanissaq, sungiusarluarnissaq ajugaarusussuseqarluarnissarlu 2021-imi peqataasoqaqqinnissaanut siunissamullu unammiartornissanut allanut ilimagaara kalaallit ilisarnaatigilluarumaaraat, ukiormannalu peqataanermi kalaallit kingumut alutorilluarneqarput, Kalaallit Nunaanni Timersoqatigiit Kattuffianni siulittaasoq, Nuka Kleemann oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat