Unammersuarnissanut peqataasussat toqqarneqarput

Arsartartut 16-it peqataasussat nunanut allanut unammisartut sungiusaasuata, Jacob Andreasenip, toqqarpai, pernaammillu peqataassaaq GSS-imeersoq, Inuk Højgaard.

GSS peqatigitillugu aamma tassaavoq, nunatsinni klubbi takutitsilluarnerpaaq, tassami sisamanik peqataatitaqassagami.

Unammisut arlaannik ajoqusertoqassagaluarpat piareersimasussanik pingasunik aamma toqqaasoqarpoq.

Amerikap nunavittaani assammik arsarluni unammersuarnissat Chilimi illoqarfiit pingaarnersaanni Santiago de Chilemi juunip ulluisa 22-anniit 26-ata tungaanut pissapput.

Unammersuarnissap aallartinnginnerani sungiusaatigalugu unammisoqassaaq. Taanna Frankrigimi Nicemi pissaaq, nunatsinneersut franskit unammisartuinut pingasoriarlutik juunip ulluisa arfineq-pingajuanniit 14-iata tungaanut sungiusaatigalugu unammissallutik.

Tamatuma saniatigut Danmarkimi Sjællandimi illoqarfimmi Faksemi juunip ulluisa 16-ianni sungiusaatigalugu ataaseriarluni unammisoqasaaq.