Timersorneq

PAN AM Unammersuarnerit Nuummi ingerlanneqarsinnaasut

Assammik arsarluni amerikap nunavittaani unammersuarnerit ukiut marluk qaangiuppata Nuummi ingerlanneqarnissaat sulissutigineqarpoq. Angutit assammik arsarlutik nunanut allanut unammisartut sungiusaasuat, Niels Møller taama oqarpoq

Allattoq Ivik Kristiansen, Bibi Nathansen

juunip 17-at 2016 04:51

- Amerikap nunavittaani assammik arsarluni unammersuarnerit ukiut marluk qaangiuppata Nuummi ingerlanneqarnissaat neriuutigaarput. Tamannami sulissutigaarput, nalunngilaralu aallartitatta siuttuat, Kurt Lauritzen amerikap nunavittaani unammersuarnerit 2018-imi Nunatsinni ingerlanneqarnissaata siumut akuerineqarnissaanut nunat tamat assammik arsartartut kattuffiannut ataatsimeeqateqartareersoq, Argentinami unammersuartitsisoqarnerani, Niels Møller oqarpoq.

Aamma atuaruk ASSIT & VIDEO Argentinamut ajugaareerlutik nuannattut takukkit

Unammersuarnerillu Nunatsinni ingerlanneqarnissaannut isumaqatigiissuteqartoqassappat, taava assammik arsartartut hunnorujulikkaat ulluni qulini Nunatsinniissasut, sungiusaasoq oqarpoq.

- Taava amerikap nunavittaani assammik arsallaqqinnerpaat Nuummut ilisaritissinnaassavagut. Nunatsinni unammersuartitsisinnaassagutta Kalaallit Nunaannut malunnaataasorujussuussaaq, iluatsissanersorlu ulluni tulliuttuni paasissavarput, Niels Møller oqarpoq.

Aamma atuaruk Minik: Tupinnarpoq