Unammersuaarneq: Nunatta avannaa kujataalu futsalimi unammissasut
Kalaallit Arsartartut Kattuffiata (KAK) angutit futsalimi unammisartut Nuummi marsip ulluisa 30-annit apriilip tallimaanut katersorniarpai.
- Sungiusarnerit ingerlanneqassapput nunatta avannaaneersut kiisalu kujataatungaaneersut imminnut unamminissaat sioqqullugu, unamminerit marluk arfininngornermi sapaammilu ingerlanneqassapput, tassani takuneqarsinnaassalluni kikkut pitsaanerunersut, KAK tusagassiuutinut nalunaarummi allappoq.
- Sungiusaqatigiinnissartaaq arsartut piukkunnarluinnartunut uani nunanut allanut unammisartussatut ilanngunnissamut periarfissatsialattut isigineqartariaqarmat, KAK allappoq.
AAMMA ATUARUK Futsalerlutik nunanut allanut unammisartunut sungiusaasumut ikiortinngortoq
Nunanut allanut unammisartut katersuutsinneranni decembarimi nunatsinni Nordic Cup-ertoqaratarsinnaanut peqataasussanik sungiusaasut toqqaanissaannut isumassarsititsissaaq.
- Inissanik periarfissiinissamut sinaakkusiinissaq pingaaruteqarluinnarpoq, tassanilu sungiusarneq paarilluarneqartariaqarpoq. Eqqarsartariaatsinik, periuutsinik kiisalu misileraanernik suliaqassaagut, nunanut allanut sungiusaasut René Olsen aamma Kaassannguaq Zeeb oqarput.
