Unammeqataasussat inuttalerneqarput

Canadami Yellowknife-imi aappaagu marsimi issittormiut unammiuaalerpata, isikkamik arsarnermi nukappissani 16-it inorlugit ukiulinni Kalaallit Nunaat sinnerlugu unammeqataassat inuttalerneqarput.

Ilulissani aasaq isikkamik arsarnermi nukappissat pissartanngorniummata, arsallaqqinnerpaatut isigineqartut Arctic Winter Gameseqalerpat unammiartortussatut toqqarneqartut, Sermitsiaq allaaserisaqarpoq.

U-16 landsholdit kikkuussanerinut, isikkamik arsarnermi nuna tamakkerlugu inersimasut sungiusaasuat Jens Tang Olesen ikiortigalugu, klubbit sungiusaasui toqqaasuupput.

Canadami Yellowknife-imi unammiartortussat Kangerlussuarmi aappaagu februarip 29-anit marsip 7-anut sungiusaqatigiissapput. Nukappissat minnerpaamik nr. 3-nngornissaat anguniarneqarpoq. Kingullermik Arctic Winter Gameseqarmat nukappissat Kalaallit Nunaanneersut kuultinnapput.