Una nanunnguaq qanoq ateqassava
Aputsiaq, Nanu, Salik - nanuaraq qanoq ateqassava? Uumasuusivissuarmi nanoq piaqqiarineqartoq angutiviaasoq paasineqarmat, Aalborgimi Uumasuusivissuarmi sulisut kalaallit nukappiaqqat atiinik katersileruttorput.
Allattoq Elisa Isaksen
Qanoq ateqarsinnaaneranik allattuisoqareerpat, ateq nuannarinerusaq toqqarneqarsinnaassaaq, amerlanernillu toqqarneqartoq nanuaqqamut atsiunniarneqarpoq. Aviisimi Nordjyske Stiftstidendemi taama allaaserinnittoqarpoq.
Nanuaraq, nanuaqqat pingasut novembarimi piaqqiarineqartut ilagaat, kisiartaallunilu uumaannarluni. Piaqqiarineqarnerata kingornagut nanuaraq arnaalu qarasaasiap assiliissutaatigut malinnaaffigineqarsinnaapput.