Umimmattassat aalajangersarneqarput
Umimmaat 1300-t kommuninut pingasunut agguataagassanngorlugit piniartunit pinialuttartunullu pisassiissutigineqartussanngorlugit naalakkersuisunit ullumi akuersissutigineqarput.
Umimmaat kangerlussuup eqqaaniittut piniartunut, saniatigooralugu piniartartunut kiisalu akiliuteqarluni aallaniartartunut agguaanneqarput.
Sisimiut kommunianut 675-t, maniitsup kommunianut 525-t, kangaatsiallu kommunianut 100-t akiliuteqarlunilu aallaniartartunut 250-t pisassiissutigineqarput.
Komunit namminneq piniartunut saniatigooralugulu piniartunut agguaassissapput.
Naalakkersusullu aamma nutaatut umimmaat pisat nalunnaqutsersornissaat ukioq manna pingitsaaliissutaassanngitsoq aalajangiuppaat, ukiut siuliini nalunaaqutsersuisarneq piumasaqaataasaraluarpoq.
Umimmaat februaarip aallaqaataaniit marsip qulingata tungaanut piniartunit saniatigooralugulu piniartunit pisarineqarsinnaapput, Akiliuteqarluni aallaniartartut marsip aqqarnganiit apriilip aqqarngata tungaanut kiisalu julip aallaqqaataaniit oktobarip 15-niata tungaanut piniarsinnaapput.
