Umimmannik tunitsiveqalernissaq anguniarpaat

Nuka A/S-ip umimmaap neqaanik peqqumaateqarnerulernissaq siunertaralugu, piniartut Kangerlussuarmi ukiakkut umimmanniartillutik tunisisalernissaat Nuka A/S-ip KNAPK -llu suleqatigiillutik anguniarnialerpaat. Tønnes Berthelsen Nuka A/S-imi pisortaq oqarpoq, Nuka A/S-ip peqqumaateqalernissaat anguniarneqartoq.

- Nunatsinni umimmaat igaassatut ilisimaneqareerpoq, kisianni aamma panertillugit mamarineqartorujussuuvoq taamaammallu umimmannik panertunik tunisassiulereerluta. Aamma nutaanik tunisassioriaatsinik ujarlilernikuulluta, Tønnes Berthelsen oqarpoq.

Nuka A/S-ip Danmarkimi neriniartarfiit akimanerit attaveqarfigisimavaat, soqutiginninnerallu paasinarsiartorluni. Sulilu atsiugaqanngikkaluarlutik Nuka A/S oqaloqatiginninnerit isumalluarfigivaat.

Tønnes Berthelsen aamma oqarpoq, Air Greenland-imi kalaaliminernik sassaalliisalernissaq anguniarlugu oqaloqatigiinnerit aallartisarneqarsimasut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat