Umimmanniarneq iluatsilluartoq
Inuiavialuit nunaanni Nordvestteritoriap avannamut kippasinnerusortaani qeqertami Banks Øen-imi nuarsuarmi umimmaat aappaata pingajorarterutaat uumasuupput.
Canadami aningaasarsiutigalugu umimmanniartitsinerit annertunersaat qeqertami Banks Ø-mi ingerlanneqarpoq, umimmanniartitsinerlu ukiormanna iluatsilluarpoq.
Umimmanniartarneq ukiuni kingullerni pingasuni ingerlanneqartarpoq, ukiormannalu siullermeerutaasumik aningaasarsiutigalugu umimmanniartitsisoqarpoq.
Piniartut Inuvimmeersut aamma nunaqarfimmi Sachs Harbourimeersut umimmanniarnermi peqataapput.
Sachs Harbour qeqertami Banks Øen-emi nunaqarfituaavoq Inuivialuit nunaanni nunaqarfiit minnersaralugu tassanilu innuttaasut 140-t najugaqarput.
Umimmanniarneq nunaqarfimmit 50 kilometerisut ungasitsigisumi ingerlanneqarpoq. Umimmaat 250-it pisarineqarput, neqaat amii qiviuilu akisoqisut atorluarneqassallutik.
Piniartut 25-it umimmaniaqataapput. Nunaqarfimmi innutaasut umimmaat amii qiviui neqaallu suliaraat. Umimmanniartitsineq nunaqarfimmi innuttaasunut aningaasatigut iluaqutaasorujussuuvoq, ukiukkummi nunaqarfimmi suliffissaqanngimmat.
Yellowknife-mi aningaasatigut ineriartortitsinissamik suliniaqatigiiffik umimmanniartitsinermik aaqqissuussinermi suleqataasoq, januarip naalernerani umimmanniartitsisimaneq iluatsissimanersoq pillugu nalilersuissaaq, aappaagulu umimmanniartitsinissaq pissanersoq aalajangiiffigissallugu. Umimmaniartisineq nunaqarfiup Sachs Harbourip siunissami aningaatigut ineriartortitsinerani pingaaruteqartussaavoq.