Umimmak Traffic A/S Sisimiuni pilersinniarneqarpoq

Sisimiuni attaveqarnikkut amigartoorutaasartut iluanaarutaasinnaaleqqullugit, Sisimiut kommuneat piginneqatigiiffiliorniarpoq taallugu Umimmak Traffic A/S.

Umimmak Traffic tassaassaaq ingerlatseqatigiiffik Sisimiut kommuneannit Namminersornerullutillu Oqartussanit avillugu piginneqataaffiusoq. Suliassat attaveqarnermut tunngasut soorlu

mittarfiup tallineqarnissaa, Kangerlussuarmut aqqusinersuassaq umiarsualivillu nutaaq tassani piviusunngortinniarneqassapput.

- Suliassat pineqartut 600 million koruuninik naleqarput, taakkulu qularnaveeqqutigalugit aningaaserivinnut soorlu 100 million koruuninik atorniarsinnaavugut iluarsartuussinissamut atorneqartussanik, borgmester Hermann Berthelsen nassuiaavoq.

Umimmak Trafficili aatsaat piviusunngorsinnaavoq Naalakkersuisut akuersippata. Pilersaarusiaq Namminersornerullutik Oqartussanut nassiunneqassaaq, tamatumalu kingorna pilersaarusiap qanoq timitalernissaata isumaqatigiissutigineqarumaarnissaa naatsorsuutigigitsik, Hermann Berthelsen oqarpoq.