Umimmaat neqerpassui tunineqartut
Umimmaat neqaat 56 tonsinik oqinnerunngitsut piniartunit Sisimiuneersunit Maniitsuneersunillu tunineqarput. Piniartut katillugit 43-it Arctic Green Foodip tunisassiorfianut ulapaarfiup nalaani qulingiluanik sulisulimmut tunisisarlutik. Piniartut Sisimiuneersut qimussimik umimmatatik tunisaraat piniartut Maniitsumeersut snescooterinik umimmatatik tunisaraat.
Piniartut ullormut umimmannik piaqqanik sisamanik-tallimanik ukiulinnik 30-nik tunisisarput, umimmaat niaquerneqarsimasut erlaveerneqarsimasullu tunisarpaat.
Piniartut umimmannut 100 kiilunik oqinnerusunik tunisigaangamik kiilumut 32 koruunisisarput, 100 kiilunik oqimaannernut 26 korunisisarlutik.
Umimmanniarneq januaarip 25-ani aallartippoq sapaatip akunneranilu kingullermi, februaarip 29-ani tunisisoqarunnaarluni.