Umimmaap neqaata akia inissippoq

Aalisartut Piniartullu Kattuffiat Nuka A/S-ilu ukiuunerani umimmanniarnissami akinik nutaanik isumaqatigiissuteqarput. Ukiuunerani umimmanniarneq ippassarli aallartittoq marsip qulingata tungaanut ingerlanneqassaaq.

Umimmattat tunisaaneranni kiilumut 27,50 kr.-eqartinneqarnissaat isumaqatigiissutigineqarpoq. Nuka A/S-lu umimmaat neqaannik 24 tonsinik pisiniarluni nalunaarpoq.

Umimmanniarneq marloqiusanngorlugu avinneqarpoq, siullermik Maniitsup kommuneaneersut qamuteralaat snescooterit atorlugit piniaqqaassapput, kingorna Sisimiut kommuneaneersut qimussimik umimmanniartinneqassalllutik.

KNAPK-p Nuka A/S-lu aamma isumaqatigiipput ukiaru umimmanniartitsinermi tunisinissaq siunertaralugu suleqatigiissallutik. Tamatuma saniatigut siunissami umimmannik ungooraluni piniartalernissap oqillisigineqarnera aamma eqqartorneqartunut ilaavoq, tamartumanilu piniartut suleqatiginissaat pingaartinneqarmat piniartut upernaaru aasarulu tikillugit isumasiorneqassapput.