Umiatsiaat gondolit arnamik aquttoqalerput
Ileqqutoqaq tamanna allanngortinneqarpoq, Giorgia Boscolo 24-inik ukiulik meeqqanut marlunut anaanaasoq, ukioq ataaseq sungiusareerluni umiatsiaani aquttutut allagartartaartinneqarmat.
Giorgia umiatsiaanik angallassisaleruni ilaatigut takornarianik angallassisalissaaq aviisi jyllandsposten nittartakkamini taamatut allaaserisaqarpoq.
Umiatsianik gondolinik angallassisalernissani Giorgiap kissaatigisarsimavaa soorlu ataatani aamma taakkuninnga angallassisarmat.
Ukiuni 900-ini ileqqutoqaq Boscolop allangortippaa, tassami angutit kisimik umiatsiaanik taakkuninnga angallassisarsimammata, Venedip borgmesteriata tullersortaa oqarpoq.
Boscolo umiatsiaanik angallassisaleruni aalajangersimasumik sulisassanngilaq. Angutit umiatsiaanik angallassisartut sulinnginneranni paarlatsitut sulisassasoq aviisi Jyllandsposten nittartakkamini taamatut allaaserisaqarpoq.
