Umiatsiaararsortut qaleralinik eqqaasariaqartut

-Tunisassiorfinnik matusinitsigut, aalisartut suliffillu illersorpavut, Upernavik Seafood-p siulittaasua Lars-Emil Johansen radioaviisimut oqarpoq.
Allattoq Jens Thorin
juulip 07-at 2009 17:39

Aappilattumi umiatsiaararsortut 20-it missaaaniittut qaleralittatik tonserpassuit eqqaannartariaqalissagaat, aalisartoq Aappilattormiu Ferdinand Grim ernuvoq.

- Aappilattumi umiatsiaararsorlutik aalisarnermik inuussutissarsiortut 20-it missaanniipput, Ferdinand Grim oqarpoq.

Upernavik Seafoodimi siulersuisut siulittaasuat, Lars-Emil Johansen, aperigatsinni, aalisartut sulisartullu 200-it misaanniittut sallunaveeqqutigineqannginnersut, tamanna illuatungilerpaaa.

- Nunatsinni suliffiit 200-it imaluunniit russit suliffii 25-it eqqarsaatigigaanni, sorliit illersussanerlugit uagutsinnut qularnartoqanngilaq. Qalerallit, russit umiarsuaannut issorarneqartut, Nunatsinni suliarineqaratik tamarluinnarmik aallaruneqassasut qularutiginngilara.

Tassa suliffiit 200-it aamma Upernaviummiut eqqaamiuisalu aalisartuisa ukioq kaajallallugu tunitsivissaqartuarnissaat illersorparput, Lars-Emil Johansen oqarpoq.

Upernavik Seafood-ip siulersuisuisa siulittassuat, isumaqarpoq, naligiinngitsumik unammilleqatigiittoqartoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq