Umiatsiaararsortup annanniuteqarnissaq pinngitsaaliissutaasariaqarsoraa

decembarip 10-at 2004 10:43

Umiatsiaararsortut pinngitsooratik annanniuteqartariaqartut Upernavimmi umiatsiaarasortoq qanittukkut ajunaangajattoq isumaqarpoq.

Upernavimmiu Hans Løvstrøm 38-nik ukiulik aqqaneq-marlunnilli ukioqarluni piniarnermik aalisarnermillu suliaqalersimasoq ippassaani motoriminik ajutoormat imaanut tassanngaannaq nakkarpoq ajunaangajallunilu.

Hans Løvstrøm imaaniitilluni nillernera pillugu nukini sukattoortarmata marloriarluni kivisarpoq, eqqissisimaniarninilu pillugu umiatsiamut qaqisinnaasimalluni.

Hans Løvstrøm isumaqarpoq aaqanngitsumik annanniuteqarsimasuuguni ajornanginnerusumik umiatsiamut qaqiniarsimasinnaagaluarluni.

Annanniutinik aaqanngitsunik atornissamik piumasaqaateqartoqalernissaanik Isak Davidsenip Siumumeersup siunnersuutaa inatsisartuni ukiarmanna itigartinneqartunut ilaavoq, upernaamullu siunnersuutigeqqinniarpaa.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk