Nuup innuttaasuisa ilaata ernumalluni Nuup eqqaani umiatsiaararsortumik navianartorsiortoqartoq nalunaarutigimmagu, Kalaallit Nunaanni politiit ujaasinermik ataasinngornermi ualikkut aallartitsipput.Assi: Pressefoto/Rigspolitiet

Umiatsiaararsortumik navianartorsiortoqarneraaneq ujaasinermik kinguneqartoq

Nuup eqqaani umiatsiaararsortumik ataasinngornermi navianartorsiortoqarneraasoqarmat Politiit ornigukkasuarput. Ornigasuakkaminnili nassaanngillat.

Kalaallit Nunaanni politiit Nuup innuttaasuisa ilaannit ernumasumit ataasinngornermi ualikkut attavigineqarput. Attaveqartup Nuup saavani umiatsiaararsortoq takusani navianartorsiorunartoq nalunaarutigaa.

Taanna politiinut nalunaaqutaq marlunut qiteqqutilersoq sianerpoq, politiillu angallatiminnik tamatuma kingunitsiannguagut ornigukkasuariarlutik ujaasinermik aallartitsisimasut, politiit pigaartuisa pisortaat Malik Olesen oqarpoq.

- Nuummi innuttaasup Nuup saavata ungasissuani umiatsiaararsortoq malissiorluni navianartorsiortoq takusimavaa. 

- Pinartumik pisoqannginnissa qulakkeerumallutigu ornigukkasuarpugut, Malik Olesen oqarpoq. 

AAMMA ATUARUK Eftersøgning: Politi finder ung mands jolle  

Issittumi Sakkutooqarfimmeersut umiatsiaararsortumik periarfeerunneragaasumik ujaasiartoqataallutik politiit ornigukkasuarnerisa kingorna aamma ornigupput. Kisianni nassaanngillat, ujaasinertillu nalunaaqutaq sisamat qaangilaaraa taamatippaat. 

- Aamma maqaasinnittoqanngilaq, Malik Olesen oqarpoq.

Kisianni Nuup saavata ungasissuani umiatsiaararsortumik takunnissimasut nalunaaruteqassasut, politiit pigaartuisa pisortaat oqarpoq.

- Nuummut umiatsiarlutik tikittut Nuup saavata ungasissuani umiatsiaarartumik takunnissimasinnaapput, Malik Olesen oqarpoq.

Takunnissimasinnaasut politiit 701448-mut sianerlutik attavigisinnaavaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat