Umiatsiaararsorluni qaleralinniarneq ammaateqqinneqalersoq
Uummannap Upernaviullu eqqaanni umiatsiaararsorluni qaleralinniarneq sisamanngorpamiit, tassa novenbarip ulluisa aallaqqaataanni, ammaateqqinneqassaaq.
Allattoq Apollo Jeremiassen
Qaammammut pisassiissutit 50 tons aalisarneqarsinnaalerneranniit aqutsiveqarfinni taakkunani pisassiissutit sinneruttut imaapput: Uummannarmiunut pisassiissutigineqartut sinneri 81 tonsiussapput Upernavimmiunut 43 tonsiussallutik.
Aqutsiveqarfimmi Qeqertarsuup Tunuani qaammammut pisassiissutit 50 tons aalisarneqarsinnaalerneranit pisassiissutit sinneruttunut suli amigarput, tassa 7 tonsinik amigarlutik. Taamaattumik aqutsiveqarfimmi Qeqertarsuup Tunuani umiatsiaaqqamik qaleralinniarneq matoqqaannassaaq.