Umiatsiaaraq nutaaq - qaleralinniutigissallugu naleqquttoq – umiatsiaararsortunit, nunatsinni qanittukkut pisiarineqarsinnaalissaaq. Umiatsiaaraq Qaqortumi misilerarneqaqqaassasoq, Pilersuisup pisortaanera Gerhardt Petersen oqarpoq.
Aalisarneq - aalisarnermilu atortut pillugit - Aalborgimi saqqummersitsinersuarmi umiatsiaaraq isikkanik 19-inik takissusilik taanna takutinneqaqqaarmat assorsuaq soqutigineqarsimavoq. Soqutiginartunut ilaavoq umiatsiaaraq aquuteralassortuunngimmat, kisianni solaritortuulluni. Qaleraleqarfiit avannaaniittut upernaamut ammarpata umiatsiaaraq taamaattoq taavungaanneqassasoq oqarpoq, taavanilu misiligarneqassalluni.